آج بھی بیشتر علاقوں میں موسم گرم اور خشک رہے گا۔ محکمہ موسمیات

اسلام آباد (مانیٹرنگ ڈیسک) محکمہ موسمیات نے آج بھی ملک کے بیشتر علاقوں میں موسم گرم اور خشک رہنے کی پیشن گوئی کردی تاہم اس دوران مالاکنڈ، مکران ڈویژن، بالائی فاٹا، گلگت بلتستان اور کشمیر میں بعض مقامات پر تیز ہواﺅں اور گرج چمک کے ساتھ بارش کی توقع ہے۔

ترجمان عمران احمد صدیقی کے مطابق اگلے 2روز کے دوران ملک کے بیشتر علاقوں میں موسم گرم اور خشک جبکہ بالائی سندھ اور جنوبی پنجاب میں موسم شدید گرم رہے گا تاہم مالاکنڈ ڈویژن، فاٹا اور گلگت بلتستان میں بعض مقامات پر گرج چمک کے ساتھ ہلکی بارش کا امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم مالاکنڈ، ہزارہ ڈویژن اور کشمیر میں بعض مقامات پر تیز ہواﺅں اور گرج چمک کیساتھ بارش ہوئی۔ سب سے زیادہ بارش دیر میں10، لوئردیر06 ، کاکول، میرکھانی02، دروش01، مظفرآباد04 ،گڑھی دوپٹہ، راولاکوٹ02 ملی میٹر ریکارڈ کی گئی۔
انہوں نے مزید بتایا کہ آج ریکارڈ کیے گئے گرم ترین مقامات کے درجہ حرارت کے مطابق سکھر ، مٹھی میں 44، ، شہیدبینظیر آباد، روہڑی حیدرآباد، پڈعیدن،چھور اور سکرنڈ میں 43 جبکہ لاہور میں کم سے کم 22، اسلام آباد 14، کراچی 27،پشاور 17، کوئٹہ10،گلگت 12اور چترال میں 09ڈگری سینٹی گریڈ تک رہنے کی توقع ہے۔