سرائیکی ادب، غزل جمشید ناشاد

....................غزل

جڈاں تیڈیں حسیں زلفیں دی چهاں تئیں پہنچ گئے ہاسے

قسم رب دی اساں ہک بئے جہاں تئیں پہنچ گئے ہاسے

اچانک چاندنڑی رات ءچ توں اتلا یاد ائیں ساکوں

اساں اپڑیں نہ ہوونڑ دے گماں تئیں پہنچ گئے ہاسے

قصہ بربادی اپڑی دا ایہو کجهه یاد ہے ساکوں

اینویں کهل کهل دے وچ آہ وفغاں تئیں پہنچ گئے ہاسے

ستم والئیں دی وستی وچ عجیب اے حادثہ پیش ائے

کرم دی گول وچ نوک_سناں تئیں پہنچ گئے ہاسے

اے بئ گالء جوساکوں موت مہلت نئیں ڈتی ورنہ

تیڈے ناشاد قدمیں دے نشاں تئیں پہنچ گئے ہاسے

• جمشیدناشاد"پرلی کندهی" وچوں