دل تے لائی رکهدا هے دیرا کوئی بیا.. ..ریاض عصمت

"غزل"

دل تے لائی رکهدا هے دیرا کوئی بیا..

هے میڈا سوجهل سویرا کوئی بیا..

چور دے پیرے کوں میں وی جانڑداں. 

ڈے گیا پیرے تے پیرا کوئی بیا...

جے توڑیں جینداں توں میکوں نہ هٹا..

رکه گهنیں بعد اچ مزیرا کوئی بیا..

میں وڈیرا اپڑیں پئو کوں آکهداں..

تیڈے پاسے هے وڈیرا کوئی بیا..

لا مکانی دا تیڈا دعوی جو هے..

کر گیا دل تے بسیرا کوئی بیا..

وت پچهاں تانڑیں میں لنگهڑاں هاں پیا.

کها گیا میڈا پچهیرا کوئی بیا.

رت جڈاں بدلی تاں عصمت ڈیکهسی.

وت ولا کونجیں دا پهیرا کوئی بیا..